Үндсэн агуулга руу шилжих
ТМ Төрийн мэдээлэл
Нүүр › uih-togtool › 2016 › Хүүхдийн мөнгөн тэтгэмж олгох талаар авах зарим арга хэмжээний тухай

uih-togtool

Хүүхдийн мөнгөн тэтгэмж олгох талаар авах зарим арга хэмжээний тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)

Хүүхдийн мөнгөн тэтгэмж олгох талаар авах зарим арга хэмжээний тухай

2016-11-10, Улаанбаатар63

Нийгмийн халамжийн тухай хуулийн 13 дугаар зүйлийн 13.1.5-д заасныг үндэслэн Монгол Улсын Их Хурлаас ТОГТООХ нь:

1.

Монгол Улсын 0-18 насны хүүхэд бүрд олгох мөнгөн тэтгэмжийг дараахь байдлаар зохион байгуулж олгохыг Монгол Улсын Засгийн газар /Ж.Эрдэнэбат/-т даалгасугай:

1/

Нийгмийн халамжийн тухай хуулийн 3.1.11-д заасан босго шугамаас доогуур эрэмбэлэгдсэн өрхийн хүүхэд бүрд сар бүр бэлэн мөнгөөр олгох;

Энэ дэд заалтад Улсын Их Хурлын 2017 оны 4 дүгээр сарын 14-ний өдрийн 28 дугаар тогтоолоор өөрчлөлт оруулсан

2/

энэ тогтоолын 1 дэх заалтын 1-д зааснаас бусад хүүхдэд 2019 оноос эхлэн нөхөж олгох;

Энэ дэд заалтыг Улсын Их Хурлын 2017 оны 4 дүгээр сарын 14-ний өдрийн 28 дугаар тогтоолоор хүчингүй болсонд тооцсон

3/

энэ тогтоолын 1 дэх заалтын 2-т заасан нөхөж олгох хүүхдийн мөнгөн тэтгэмжийн эх үүсвэрийг тухай бүр үе шаттайгаар Засгийн газрын үнэт цаас гарган бүрдүүлэх. /Энэ дэд заалтыг Улсын Их Хурлын 2017 оны 4 дүгээр сарын 14-ний өдрийн 28 дугаар тогтоолоор хүчингүй болсонд тооцсон

2.

Энэ тогтоолыг 2017 оны 01 дүгээр сарын 01-ний өдрөөс эхлэн дагаж мөрдсүгэй.

МОНГОЛ УЛСЫН ИХ ХУРЛЫН ДАРГА М.ЭНХБОЛД