Зэвсэгт Хүчний Тухай Хуульд Нэмэлт, Өөрчлөлт Оруулах Тухай

4 дүгээр зүйлийн 2 дахь хэсгийн 9 дэх заалт:

¶4.2.9.

аливаа хөнөөх хэрэгслийн хөнөөлийн голомтод байгаа хүн ам, эд юмсыг авран хамгаалах.

15 дугаар зүйлийн 1 дэх хэсгийн 6 дахь заалт:

¶15.1.6.

үй олноор хөнөөх зэвсэг болон хөнөөх хэрэгслийн хөнөөлөөс хамгаалах талаар баримтлах бодлогын үндсийг тодорхойлох, үйл ажиллагааг нь улсын хэмжээнд удирдан чиглүүлэх.

18 дугаар зүйлийн 2 дахь хэсгийн 11 дэх заалт:

¶18.2.11.

үй олноор хөнөөх зэвсэг болон хөнөөх хэрэгслийн хөнөөлөөс хамгаалах арга хэмжээг улсын хэмжээнд төлөвлөн, хэрэгжилтийг зохион байгуулах.

Зэвсэгт хүчний тухай хуулийн 4.2.3-ыг дор дурдсанаар өөрчлөн найруулсугай:

¶4.2.3.

гамшгийн аюулаас хүн ам, эд юмсыг авран хамгаалах болон тогтоосон хорио, цээрийн дэглэмийг сахиулахад туслах;

Зэвсэгт хүчний тухай хуулийн 4.2.9, 15.1.9 дэх заалтын дугаарыг 4.2.10, 15.1.7 гэж тус тус өөрчилсүгэй.

Энэ хуулийг Гамшгаас хамгаалах тухай хууль хүчин төгөлдөр болсон өдрөөс эхлэн дагаж мөрдөнө.