Үл Хөдлөх Эд Хөрөнгийн Албан Татварын Тухай Хуульд Нэмэлт, Өөрчлөлт Оруулах Тухай

5 дугаар зүйлийн 5.2 дахь хэсэг:

¶5.2.

Иргэнд өмчүүлэх газарт үл хөдлөх эд хөрөнгийн татвар ногдуулах үнэлгээг Монгол Улсын иргэнд газар өмчлүүлэх тухай хуулийн 18 дугаар зүйлд заасныг үндэслэн тогтооно.

7 дугаар зүйлийн 7.2 дахь хэсэг:

¶7.2.

Газраас авах үл хөдлөх эд хөрөнгийн албан татварыг дараахь байдлаар хөнгөлнө:

¶7.2.1.

гэр бүлийн хэрэгцээний зориулалтаар иргэнд өмчлүүлсэн газар:

¶7.2.1.1.

нийслэлд 95 хувиар;

¶7.2.1.2.

аймгийн төвд 97 хувиар;

¶7.2.1.3.

сумын төв, тосгонд 98 хувиар.

¶7.2.2.

газар тариалангийнхаас бусад аж ахуйн зориулалтаар иргэнд өмчлүүлсэн газар:

¶7.2.2.1.

нийслэлд 30 хувиар;

¶7.2.2.2.

аймгийн төвд 70 хувиар;

¶7.2.2.3.

сумын төв, тосгонд 85 хувиар.

¶7.2.3.

газар тариалангийн зориулалтаар иргэнд өмчлүүлсэн газрыг 95 хувиар.

8дугаар зүйлийн 8.4 дэх хэсэг:

¶8.4.

Газраас авах үл хөдлөх эд хөрөнгийн албан татварыг газрын асуудал эрхэлсэн төрийн захиргааны байгууллага ногдуулж, татварын байцаагч хурааж, орон нутгийн төсөвт оруулна.

9 дүгээр зүйлийн 9.4. дэх хэсэг:

¶9.4.

Газрын асуудал эрхэлсэн төрийн захиргааны байгууллага /албан тушаалтан/ газраас авах үл хөдлөх эд хөрөнгийн албан татварын тайланг нэгтгэж, нэг хувийг харьяалах татварын албанд дараа оны 2 дугаар сарын 15-ны дотор тушаана.

Үл хөдлөх эд хөрөнгийн албан татварын тухай хуулийн 5 дугаар зүйлийн 5.1 дэх хэсгийн Үл хөдлөх гэсний өмнө Газраас бусад гэж нэмсүгэй.

Үл хөдлөх эд хөрөнгийн албан татварын тухай хуулийн 7 дугаар зүйлийн гарчгийг Албан татвараас чөлөөлөх, хөнгөлөх гэж өөрчилсүгэй.