Үндсэн агуулга руу шилжих
ТМ Төрийн мэдээлэл
Нүүр › huuli-nemelt › 2012 › Хөдөлмөрийн Тухай Хуульд Нэмэлт Оруулах Тухай

huuli-nemelt

Хөдөлмөрийн Тухай Хуульд Нэмэлт Оруулах Тухай

Хүчин төгөлдөр
Байнгын хаяг Энэ хувилбарын хаяг PDF Akoma Ntoso XML Бүрэн бүтэн байдал Дагах (Atom)
одоогийн эх рүү буцах

Хөдөлмөрийн Тухай Хуульд Нэмэлт Оруулах Тухай

2012-05-22, Улаанбаатар12-ne-83

1 дугаар зүйл.
Хөдөлмөрийн тухай хуульд дор дурдсан агуулгатай дараах хэсэг нэмсүгэй:1/

125 дугаар зүйлийн 125.2 дахь хэсэг:

125.2.

Хөдөлмөрийн ганцаарчилсан маргааныг эвлэрүүлэн зуучлалын журмаар шийдвэрлүүлж болно.

2/

127 дугаар зүйлийн 127.2 дахь хэсэг:

127.2.

Хөдөлмөрийн эрх зүйн маргааныг энэ хуулийн 126.1-д заасан хөдөлмөрийн маргаан таслах комиссоор хянан шийдвэрлэгдсэн байх нь тухайн маргааныг шүүх хянан шийдвэрлэхэд эвлэрүүлэн зуучлах ажиллагааг ашиглахад саад болохгүй.

3/

129 дүгээр зүйлийн 129.4 дэх хэсэг:

129.4.

Хөдөлмөрийн эрх зүйн маргааны талаар эвлэрүүлэн зуучлагчид хандсан явдлыг энэ хуулийн 129.3-т заасан хүндэтгэн үзэх шалтгаанд хамааруулна.

2 дугаар зүйл.

Энэ хуулийг 2012 оны 5 дугаар сарын 22-ны өдөр баталсан Эвлэрүүлэн зуучлалын тухай хууль хүчин төгөлдөр болсон өдрөөс эхлэн дагаж мөрдөнө.