Хуулийн Зарим Заалтыг Дагаж Мөрдөх Журмын Тухай

2002 оны 7 дугаар сарын 4-ний өдөр батлагдсан Шүүхийн тухай хуулийн “Улсын дээд шүүх, түүний бүрэн эрх” гэсэн 15 дугаар зүйлийн 15.2 дахь хэсгийн дагаж мөрдөх хугацааг 2002 оны 10 дугаар сарын 16-ны өдөр хүртэл хойшлуулсугай.

1993 оны 2 дугаар сарын 4-ний өдрийн Шүүхийн тухай хуулийн “Улсын дээд шүүх, түүний бүрэн эрх” гэсэн 24 дүгээр зүйлийн 2 дахь хэсгийн заалтыг энэ хуулийн 1 дүгээр зүйлд заасан хугацаанд хүчин төгөлдөр хэвээр үлдээсүгэй.

2002 оны 9 дүгээр сарын 1-ний өдрөөс өмнө анхан шатны журмаар аймаг, нийслэлийн шүүхээр хянан шийдвэрлэгдсэн эрүүгийн хэргийг Улсын дээд шүүх давж заалдах журмаар хянан шийдвэрлэнэ.

Энэ хуулийг 2002 оны 9 дүгээр сарын 1-ний өдрөөс эхлэн дагаж мөрдөнө.